Вольная Беларусь - лепшая памяць аб змагарах за яе


11:47 29.09.2019


Bookmark and Share


Галоўная наша мэта - стварыць той адзіны помнік Каліноўскаму, які яму павінен быць.


Ну што, пра пахаванне Каліноўскага ўсе усё сказалі? Ну і я тады пару словаў устаўлю.


Галоўная наша мэта - стварыць той адзіны помнік Каліноўскаму, які яму павінен быць. Гэты помнік - Незалежная беларуская дзяржава. Зараз яго няма і, калі мы будзем бавіць час пустымі спрэчкамі, нават падмурак пад яго, закладзены нашымі папярэднікамі, будзе разбураны.


8 снежня Лукашэнка ізноў збіраецца гандляваць нашай радзімай, як і 25 год запар. Калі мы яму гэта дазволім, гэта будзе нашмат большай крыўдай для змагара за нашае існаванне, як вольнай краіны, чым любыя пагосты, што літоўскія, што нашыя.


А пакуль мы змагаемся адно з адным, мы толькі цешым спрадвечнага ворага, што вострыць іклы на нашу радзіму, каб паглынуць яе канчаткова. Сапраўды вольная і незалежная Беларусь - лепшы помнік змагарам за яе. Дзеля гэтага трэба ствараць і бараніць яе зараз і разам. Астатняе з часам дадасца.


Максім Вінярскі


 

Падпіска:

Enter your email address:

КАЛЯНДАР_:

Каляндар