Прэзыдэнт Эўрапарлямэнту заклікаў да крытычнага дыялёгу зь Беларусьсю
Сваю заяву кіраўнік эўрапейскага парлямэнту Ганс-Герт Пётэрынг зрабіў сёньня за некалькі гадзінаў да адкрыцьця саміту “Ўсходняе партнэрства” ў Празе, падае агенцтва АР.
Паводле палітыка, тое, што “Беларусь далучаная да Партнэрства, не азначае, што эўрапейцы падціснулі хвост і адмовіліся ад сваёй крытыкі”. Ён заклікаў ЭЗ да крытычнага дыялёгу зь Менскам у сувязі са станам правоў чалавека ў Беларусі.