Учора па ўсей краіне прайшлі жалобныя акцыі па ахвярах тэракту ў Менску (фота)
![](https://europeanbelarus.org/app/uploads/2011/04/E7E21109-E462-4688-AD0D-FDE244DC8993_w527_s-360x270.jpg)
Акцыя жалобы ў знак салідарнасьці з ахвярамі тэракту ў менскім метро прайшла ў Баранавічах, Віцебску, Магілёве і Берасці, Полацку і Воршы.
У Баранавічах мерапрыемства ініцыявалі навучэнцы Баранавіцкага дзяржаўнага каледжу легкай прамысловасьці імя Чэрнышова.
Ініцыятыву навучэнцаў каледжа падтрымалі студэнты з іншых навучальных установаў Беранавічаў, ліцэю, мясцовага ўнівэрсытэту. У жалобнай акцыі прынялі ўдзел каля 70 чалавек, у асноўным моладзь.
На цэнтральнай плошчы ўдзельнікі жалобнай акцыі ўсклалі кветкі і запалілі знічы. Мерапрыемства было ўзгоднена зь мясцовай адміністрацыяй і ДАІ.
![](http://gdb.rferl.org/3F3D21F2-8EF0-4D60-A8D8-F2B3338C9E5F_w527_s.jpg)
![](http://gdb.rferl.org/6A058435-3000-4A20-B24E-496B766497F5_w527_s.jpg)
Сваё жалобнае мерапрыемства з хвілінай маўчаньня правяла моладзь на Савецкай плошчы Магілёва. Да размешчанага тут мэмарыялу прыйшлі больш за сто маладых людзей. Амаль кожны прынёс букет гвазьдзікоў і свечкі.
Жалобная акцыя па ахвярах тэракту ў менскім мэтро была арганізаваная праз сацыяльныя сеткі ў інтэрнэце. Чаму моладзь не далучылася да афіцыйнага жалобнага мерапрыемства, якое адбылося ў сёння на плошчы Леніна, ля знаку «нулявы кілямэтар»?
«Афіцыйнае — гэта атрымліваецца, што туды прыйшлі дзяржаўныя службоўцы. Туды, можна сказаць, прымусова людзей прыводзілі. А тут людзі спісваліся праз сацыяльныя сеткі і самі прыйшлі, каб выказаць спачуваньні блізкім людзям, у якіх сваякі загінулі й пацярпелі ў мэтро. Гэта ж такая трагедыя ў Беларусі», — зазначыў адзін з арганізатараў жалобы Дзяніс.
![](http://gdb.rferl.org/991E0EA4-27C7-41D2-9E6E-01A32FB6C33D_w527_s.jpg)
![](http://gdb.rferl.org/819FAE4C-2809-4F63-88D6-728EA45CBEE4_w527_s.jpg)
![](http://gdb.rferl.org/1944DEBE-2EC5-48A0-B0AD-E58DD3D0591E_w527_s.jpg)
![](http://gdb.rferl.org/4CF7BCB8-5850-425A-9B3C-89C277AF3D41_w527_s.jpg)
![](http://gdb.rferl.org/2EA2F5CF-DE7A-495B-9AB1-F530AFDBF009_w527_s.jpg)
![](http://gdb.rferl.org/E7E21109-E462-4688-AD0D-FDE244DC8993_w527_s.jpg)
![](http://gdb.rferl.org/AA48A950-3051-45A1-AC6F-0FEFB271B463_w527_s.jpg)
![](http://gdb.rferl.org/C188A8B1-D8E5-4E73-ACA0-075B563E35B1_w527_s.jpg)
![](http://gdb.rferl.org/133F7CFE-564F-41A8-8C85-AE7D18706ABC_w527_s.jpg)
![](http://gdb.rferl.org/8060E627-433C-44C2-A3AC-6B9E24D8E8B5_w527_s.jpg)