Акцыя «Стоп-бэнзін» 22 жніўня. Онлайн-рэпартаж
![](https://europeanbelarus.org/app/uploads/2011/08/stopbenz7061106-360x270.jpg)
Аўтааматары рыхтуюцца адказаць на чарговае павышэнне цэн на паліва. Плануецца, што а 19-й гадзіне аўтааматары стыхійна зьбяруцца на розных вуліцах, прылеглых да праспэктаў Незалежнасьці і Пераможцаў у Менску, пасьля выедуць у цэнтар, каб заблякаваць рух.
Такім чынам кіроўцы будуць пратэставаць супраць падвышэньня цэнаў на паліва.
20 жніўня бэнзін падаражэў на 3%. Гэта ўжо шостае падвышэньне цэнаў ад пачатку 2011 году.
20:00 Супрацоўнікі спэцслужбаў у цывільным зь відэакамэрамі пакінулі свае схованкі за слупамі на праспэкце Незалежнасьці. Пачалі разьяжджацца таксама аўтамабілі ДАІ. Абмежаваньні праезду зьнялі, і рух па праспэкце Незалежнасьці аднавіўся. Намаганьнямі супрацоўнікаў ДАІ ён быў абмежаваны цягам гадзіны.
19:50 На скрыжаваньні вуліцы Казлова і праспэкту Незалежнасьці стаіць аўтамабіль з уключанымі агнямі аварыйнай сыгналізацыі. Супрацоўнік ДАІ складае на яго пратакол правапарушэньня. Не вядома, ці гэта ўдзельнік акцыі, ці звычайны аўтамабіліст.
![](http://gdb.rferl.org/A2778A98-E406-4288-A229-8C3DE92D8D85_w527_s.jpg)
19:40 Высокія міліцэйскія чыноўнікі загадваюць здымаць пэўныя аўтамабілі. Яны паказваюць апэратарам у цывільным на аўтамабілі, якія ня маюць ніякіх пазнакаў таго, што зьяўляюцца ўдзельнікамі акцыі, але падаюцца падазронымі міліцэйскім чыноўнікам. Гэта адбываецца ў розных частках праспэкту Незалежнасьці. Супрацоўнікі ДАІ таксама запісваюць нумары некаторых аўтамабіляў.
![](http://gdb.rferl.org/46FBDE27-DFFF-4BCD-A882-800460D13697_w527_s.jpg)
19:35 У цэнтральнай частцы Менску — каля плошчаў Кастрычніцкай, Перамогі, Якуба Коласа — вялікая колькасьць супрацоўнікаў спэцслужбаў у цывільным, якія вядуць апэратыўную відэаздымку. Аднак на праспэкце не адбываецца нічога надзвычайнага, акрамя малой колькасьці аўтамабіляў. Некаторыя мінакі нападпітку нават пераходзяць праспэкт па-за падземнымі ці наземнымі пешаходнымі пераходамі.
![](http://gdb.rferl.org/8E61F131-6450-4EAE-A809-1397AB6ADF95_w527_s.jpg)
![](http://gdb.rferl.org/97BAD247-2B08-4E46-BDF9-77683442F542_w527_s.jpg)
![](http://gdb.rferl.org/D5ECCAA0-B256-412E-9A10-3B8382000D93_w527_s.jpg)
![](http://gdb.rferl.org/CE48B43C-462E-423B-AE8C-37CE908A8CAB_w527_s.jpg)
19:30 Перакрыты праезд з вуліцы Першамайскай на вуліцу Янкі Купалы, якая выходзіць на праспэкт Незалежнасьці. Таксама «цагліна», якая забараняе праезд у бок праспэкту, выстаўленая на вуліцы Чырвонаармейскай. Забаронены праезд на праспэкт таксама зь іншых прылеглых вуліцаў. На плошчы Якуба Коласа спынілі аўтамабіль карэспандэнта газэты «Наша Ніва» і загадалі пераехаць на вуліцу Янкі Купалы. Аўтамабілі з праспэкту Пераможцаў скіроўваюць на Нямігу. Аўтамабільны затор утварыўся каля Опэрнага тэатру.
![](http://gdb.rferl.org/2AAA9C57-47C7-456D-A112-210A868DCE1C_w527_s.jpg)
![](http://gdb.rferl.org/2AAA9C57-47C7-456D-A112-210A868DCE1C_w527_s.jpg)
19:15 Ля цырку супрацоўнік ДАІ спыніў машыну, якая ехала на «аварыйцы», праверыў дакумэнты, загадаў рухацца ў бок вуліцы Багдановіча, нешта перадаў па рацыі.
19:15 Супрацоўнікі спэцслужбаў у цывільным і спэцназаўцы каля плошчы Перамогі сябе нічым не выяўляюць. Не заўважана таксама і прыкметаў правядзеньня акцыі: плякатаў, сыгналаў аўтамабіляў, блякаваньня руху. Нічога надзвычайнага таксама не адбываецца ў раёне вуліцы Нямігі.
19:10 Супрацоўнікі ДАІ працягваюць спыняць аўтамабілі для праверкі дакумэнтаў. З боку Нацыянальнай бібліятэкі рух да цэнтру гораду перакрыты ля Дому друку. Аўтаўладальнікаў прымушаюць паварочваць з праспэкту на вуліцу Сурганава.
19:00 Зьявілася вялікая група людзей у цывільным. Яны праводзяць імправізаваную нараду зь міліцыянтамі, стоячы на мосьце церазь Сьвіслач. Усе паглядаюць на гадзіньнікі, азіраюцца навокал.
Вялікая колькасьць супрацоўнікаў ДАІ сканцэнтравалася каля будынку РСДРП і плошчы Перамогі. Яны спыняюць кіроўцаў і правяраюць у іх дакумэнты.
Каля будынку прэзыдэнцкай адміністрацыі, Менскага аблвыканкаму і Палацу рэспублікі рух аўтамабіляў закрыты.
![](http://gdb.rferl.org/077DF813-585F-4D5E-BF11-491FC18CAAD2_w527_s.jpg)
18:50. Каля ўваходу ў парк Горкага зьявіліся два аўтобусы са спэцназаўцамі. Побач зь імі — каля 20 чалавек спэцназаўцаў у чорнай форме. Рух па праспэкце Незалежнасьці не перакрыты, але час ад часу перапыняецца з-за малой колькасьці аўтамабіляў.
![](http://gdb.rferl.org/5C80C9D8-1AB1-4BFC-93DC-DEB98D5CA8F8_w527_s.jpg)
18:40 Супрацоўнікі ДАІ пачалі абмяжоўваць рух на праспэкце Незалежнасьці. Аўтаінспэктары забараняюць выезд аўтамабіляў з вуліц, прылеглых да праспэкту Незалежнасьці. У прыватнасьці, перакрыты выезд з вуліцы Захарава і Кісялёва. Аўтамабілі рухаюцца ў абодвух кірунках, але іх колькасьць значна меншая, чым у звычайныя дні. На плошчы Перамогі і каля лінгвістычнага ўнівэрсытэту дзяжураць міліцэйскія машыны.
![](http://gdb.rferl.org/D34B7F59-340D-4AF5-BDB8-A2861BDC3F0B_w527_s.jpg)
18:10 Да будынку Адміністрацыі прэзыдэнта, што на вуліцы Карма Маркса 32, падагналі трактар-эвакуатар ДАІ.
![](http://gdb.rferl.org/C7F82173-B8C1-427B-8F4B-C5B215916F24_w527_s.jpg)
Просмотреть Стоп-бэнзін, 22 жніўня 2011 на карте большего размера